Դժգոհություն ավելի զարգացած երկրներում էլ կա. Հակոբ Բեգլարյանը՝ թանկացումների մասին

ՀՀԿ-ական պատգամավոր Հակոբ Բեգլարյանի կարծիքով՝ իրենց կուսակցությունն ամեն ինչ անելու է, որպեսզի բոլոր ճգնաժամերից դուրս գանք: Այս մասին նա ասաց խորհրդարանում լրագրողների հետ զրույցում՝ անդրադառնալով թանկացումներին:

«Պետք է մեր տնտեսությունը զարգացնենք, ժողովուրդը պետք է լավ ապրի»,- ասաց պատգամավորը։

Հարցին՝ ինչո՞ւ կուսակցությանը չի հաջողվում մշակել ճիշտ քաղաքականություն և դուրս բերել հասարակությանը ճգնաժամից, Բեգլարյանը պատասխանեց. «Ամեն ինչ էլ արվում է»։

Հարցին էլ՝ ինչո՞ւ է այդ դեպքում ժողովուրդը դժգոհ, ՀՀԿ-ական պատգամավորն արձագանքեց. «Դժգոհություն ամեն տեղ կա` և' մեզ մոտ, և' ավելի զարգացած երկրներում»։