Խորհուրդ կտայի անպայման փորձել հայկական գինին. Ջոս Սթոուն

Բրիտանացի ջազ երգչուհի, «Գրեմմի»-ի մրցանակակիր Ջոս Սթոունը հարցազրույց է տվել Pop Matters միջազգային էլեկտրոնային ամսագրին:

Զրուցավարը երգչուհուն հարցրել է, թե, այսքան երկրներ այցելելով, արդյո՞ք կա մի բան, որը կուզենար միշտ ունենալ: Ի պատասխան` երգչուհին խոսել է հայկական գինու մասին: «Հայաստանում մի գինի կար, որը պահվում էր կերամիկայից կուժի մեջ: Խորհուրդ կտայի այն անպայման փորձել: Ցավոք, ես շատ չեմ կարող այն օգտագործել, քանի որ երգելուց առաջ ալկոհոլային խմիչք չեմ խմում»,- ասել է Սթոունը:

Հիշեցնենք, որ 2016-ին Սթոունը Հայաստան էր ժամանել «Yerevan Jazz Fest 2016»-ի շրջանակներում:  Նա համերգով հանդես եկավ Կարեն Դեմիրճյանի անվան մարզահամերգային համալիրում: Ջոս Սթոունը տեսահոլովակ է հրապարակել «Գաթա Բենդ»-ի հետ համատեղ. նրանք երգում են «Դոնե յար»-ը: