Իրանում ձերբակալել են բողոքի ակցիաներ հրահրողների

Իրանի անվտանգության ուժերը մի քանի մարդու են ձերբակալել, ովքեր հրահրել են դեկտեմբերի 28-ից երկրում շարունակվող բողոքի ակցիաները. հայտնում է РИА Новости-ն` ILNA գործակալությանը հղումով:

Համաձայն Իրանի ազգային անվտանգության և տեղեկատվության նախարարության հաղորդագևրության` վերջին օրերին մարդկանց` հասարակական պահանջներ արտահայտող խաղաղ հավաքները վերաճել են դաժան ակցիաների «կասկածելի և ագրեսիվ տարրերի ներկայության պատճառով»: Ըստ իրանական իշխանությունների` նրանց պատճառով վնաս է հասցվել պետքական գույքին և մահացել են մարդիկ: Հաղորդագրության մեջ նշվում է, որ որոնում են այլ սադրիչների:

Իրանի խոշոր քաղաքներում տեղի են ունենում բողոքի ակցիաներ: Երկրի նախագահ Հասան Ռոհանին հայտարարել է, որ դրանք ներքին հիմնախնդիրների պատճառով են ծագել, սակայն հրահրվում են նաև այլ երկրների կողմից: Իրանական ԶԼՄ-ների տվյալներով` բողոքի ակցիաների ժամանակ զոհվել է 10 մարդ: