Ստամբուլում հայ ճարտարապետների մասին առցանց ցուցահանդես է բացվել

Ստամբուլում «Հայ ճարտարապետների միության», Ստամբուլի ժամանակակից արվեստի թանգարանի ու «Հրանտ Դինք» հիմնադրամի ջանքերով Ստամբուլի ճարտարապետության թանգարանը բացել է «Արևմտականացող Ստամբուլի հայ ճարտարապետները» խորագրով առցանց ցուցահանդես: Առցանց կայքում  մասնավորապես նշվել է հայ ճարտարապետների դերը Ստամբուլի արևմտականացման, ճարտարապետության զարգացման հարցում:

Առանձնահատուկ կերպով շեշտվել է նաև այն փաստը, որ հայ ճարտարապետները զգալի տեղ են ունեցել Օսմանյան կայսրության ճարտարապետների միությունում: Կայքում հիշատակվել է հայտնի հայ ճարտարապետների ընտանիք Բալյանների անունը, նշվել, որ 19-րդ դարում օսմանյան սուլթանների գրեթե բոլոր նշանավոր պալատները կառուցվել են հենց նրանց կողմից: