Զինվորականներ են վթարի ենթարկվել. մեկի վիճակը ծանր է

Այսօր առավոտյան  Լոռու մարզի Շահումյան գյուղի սկզբնամասում տեղի է ունեցել ՃՏՊ: Ավտոմեքենան դուրս է եկել ճանապարհի երթևեկելի հատվածից, բախվել էլեկտրական սյանը: Վթարի հետևանքով տուժել է երկու մարդ:

Yerkir.am-ի տեղեկություններով՝ տուժածները զինվորականներ են: Տուժածներից մեկը՝ 27-ամյա կապիտան Գոռ Սողոմոնյանը, տեղափոխվել է Վանաձորի բուժկենտրոն: Հիվանդանոցից տեղեկացրին, որ նրա առողջական վիճակը բժիշկները գնահատում են ծանր, ունի պոլիտրավմա /խոշոր ոսկրերի և ներքին օրգանների համակցված վնասվածքներ/: Զինծառայողին շուտով կտեղափոխեն Երևան՝ կենտրոնական զինվորական հոսպիտալ:

Մյուս տուժածը՝ 38-ամյա մայոր Հ. Մ.-ի առողջական վիճակը գնահատվել է բավարար, միջին ծանրության: