Որքան աճում է ուսման մակարդակը, այդքան լավանում է բռնության որակը. Էրդողանի գլխավոր խորհրդական

Թուրքիայի նախագահ Ռեջեփ Թայիփ Էրդողանի գլխավոր խորհրդական Օզլեմ Զենգինը բռնության մասին սկանդալային հայտարարություն է արել:

Ըստ T24-ի՝ Զենգինը կանանց սպանությունների մասին համալսարանում իր ելույթի ընթացքում հայտարարել է, որ «բռնության որակը լավանում է ուսման պատճառով»:

«Որքան աճում է ուսման մակարդակը, այդքան` լավանում բռնության որակը: Կան կանանց նկատմամբ բռնության այլ տարբերակներ, որոնք սահմանափակումներ են: Օրինակ՝ նրանց աշխատանքի, ազատության և այլն: Բռնություն միշտ էլ եղել է, սակայն դրա ձևերն են տարբեր»,- հայտարարել է նա:

Զենգինը նաև մտահոգություն է հայտնել, որ Թուրքիայում առաջիկա տարիներին կարող է ավելի աճել բռնության երևույթը: