Հիշեցում գույքահարկի վճարման մասին

Հարգելի՛ համաքաղաքացիներ,

համաձայն «Գույքահարկի մասին» ՀՀ օրենքի 13-րդ հոդվածի 2-րդ կետի, ֆիզիկական անձինք գույքահարկի տարեկան գումարը սահմանված կարգով համապատասխան բյուջե են վճարում մինչև հաշվետու տարվա դեկտեմբերի 1-ը ներառյալ, իսկ հարկի վճարումը սահմանված ժամկետներից ուշացնելու դեպքում ժամկետանց յուրաքանչյուր օրվա համար հարկ վճարողը վճարում է օրենքով սահմանված տույժ: 

Գույքահարկի հավաքագրման գործընթացն առավել արդյունավետ կազմակերպելու նպատակով Երևանի քաղաքապետարանի աշխատակազմի եկամուտների հաշվառման և գանձման վարչության, վարչական շրջանների աշխատակազմերի եկամուտների հաշվառման և հավաքագրման բաժինների, ինչպես նաև վերոնշյալ գերատեսչական շենքերում գործող վճարահաշվարկային կետերի աշխատանքը երկարացվել է մինչև ժամը 19:00-ն։

Երևանի քաղաքապետարանի աշխատակազմի եկամուտների հաշվառման և գանձման վարչություն