Հայաստանի և Ադրբեջանի նախարարները համաձայնել են հանդիպել դեկտեմբերին. ԵԱՀԿ ՄԽ հայտարարությունը

ԵԱՀԿ Մինսկի խմբի համանախագահներ Իգոր Պոպովը, Ստեֆան Վիսկոնտին և Էնդրյու Շոֆերը նոյեմբերի 14-ին և 16-ին առանձին հանդիպումներ են ունեցել Հայաստանի նախագահ Էդվարդ Նալբանդյանի և Ադրբեջանի նախագահ Էլմար Մամեդյարովի հետ:

Այդ մասին համանախագահների տարածած հայտարարության մեջ նշվել է, որ հանդիպումներին մասնակցել է նաև ԵԱՀԿ գործող նախագահի անձնական ներկայացուցիչ Անջեյ Կասպրշիկը:

ԱԳ նախարարների հետ հանդիպման ընթացքում քննարկվել են 2017 թվականի հոկտեմբերի 16-ին Ժնևի գագաթաժողովի ընթացքում Հայաստանի նախագահ Սերժ Սարգսյանի և Ադրբեջանի նախագահ Իլհամ Ալիևի կողմից ձեռք բերված համաձայնությունների իրականացման համար անհրաժեշտ քայլերը, ինչպես նաև Ժնևում համանախագահների կողմից բարձրացված այլ հարցեր:

«Նախարարները համաձայնել են համատեղ հանդիպում ունենալ 2017 թվականի դեկտեմբերին Վիեննայում ԵԱՀԿ արտգործնախարարների խորհրդի շրջանակներում: Համանախագահները կպատրաստեն քաղաքական կարգավորման առարկայական հարցեր ներառող հանդիպման օրակարգը, ինչպես նաև շփման գծում լարվածությունը նվազեցնելուն ուղղված կոնկրետ միջոցառումները: Հատուկ ուշադրություն կհատկացվի ԵԱՀԿ գործող նախագահի անձնական ներկայացուցչի գրասենյակի ընդլայնումն ավարտելու գործընթացին»,- ասված է համանախագահների հայտարարության մեջ: