Սոբչակն աջակցում է հակառուսական պատժամիջոցներին

Հաղորդավար Քսենյա Սոբչակը, ով հայտնել է 2018-ի նախագահական ընտրություններին մասնակցելու մտադրության մասին, հայտարարել է, որ աջակցում է հակառուսական պատժամիջոցներին. հայտնում է РИА Новости-ն:

«Կարծում եմ` Ռուսաստանը պատասխանատու է այն սարսափելի միջազգային հարաբերությունների համար, որոնք ստեղծվել են: Մենք խախտել ենք միջազգային իրավունքի նորմերը. միջազգային իրավունքի համաձայն` Ղրիմն Ուկրաինային է պատկանում»,-ասել է նա CNN-ին տված հարցազրույցում:

Միևնույն ժամանակ, Սոբչակն ասել է, որ հասարակ քաղաքացիները չպետք է տուժեն դրանից: «Ռուս ուսանողները չեն կարողանում ամերիկյան վիզա ստանալ, դա  ազնիվ չէ նրանց հանդեպ, քանի որ չի կարելի պատժել ռուս ժողովրդին մի մարդու քաղաքականության համար, ում նրանք չեն աջակցում»,- ասել է նա: