Թրամփը կոչ է արել մեկուսացնել Հյուսիսային Կորեան

ԱՄՆ նախագահ Դոնալդ Թրամփը Սեուլում, որտեղ գտնվում է պաշտոնական այցով,  հանդես է եկել ծրագրային ելույթով, որի զգալի մասը նվիրել է Հյուսիսային Կորեայի թեմային. հայտնում է РИА Новости-ն: Մասնավորապես` նա կոչ է արել Ռուսաստանին և Չինաստանին` կրճատել այդ երկրի հետ դիվանագիտական և տնտեսական կապերը:

ԱՄՆ նախագահն ընդգծել է , որ ԿԺԴՀ ղեկավար Կիմ Չեն Ընը ձգտում է հակամարտության, որպեսզի ուշադրությունը շեղի երկրի ներսում «տապալումից»:

Թրամփը նախազգուշացրել է ԿԺԴՀ-ին` չթերագնահատել ԱՄՆ-ին, և կոչ արել բոլոր երկրներին` ապահովել Փհենյանի միջազգային մեկուսացումը: Նրա խոսքով՝ ԱՄՆ-ը «թույլ չի տա, որ երկրի քաղաքներին սպառնան ավերածությամբ»: «Մեզ չես վախեցնի»,- հավելել է Թրամփը: