Սուրեն Մանուկյանն ազատվել է պաշտոնից. նոր ժամանակավոր պաշտոնակատար է նշանակվել

Ցեղասպանության թանգարան-ինստիտուտի փոխտնօրեն, թանգարանի տնօրենի ժամանակավոր պաշտոնակատար Սուրեն Մանուկյանն ազատվել է պաշտոնից: Այս մասին Մանուկյանը գրել է իր ֆեյսբուքյան էջում. «Հարգելի սիրելիներ, ուզում եմ տեղեկացնել, որ անցած շաբաթ վերջապես ընդունվեց Հայոց ցեղասպանության թարգարան-ինստիտուտի տնօրենի պարտականությունների կատարումից ինձ ազատելու դիմումս: Հետեւաբար, խնդրում եմ ինձ թանգարանի հետ կապված խնդրանքներ, առաջարկություններ, նախագծեր, խնդիրներ չառաջարկել: Ի պաշտոնե այլեւս դրանք իմ իրավասությունից դուրս են: Այժմ գտնվում եմ արձակուրդում, որի ընթացքում կորոշեմ իմ հետագա անելիքները»:

Ինստիտուտի պաշտոնական էջից էլ տեղեկանում ենք, որ ինստիտուտի գիտական քարտուղար, պ.գ.թ. Գևորգ Վարդանյանն է նշանակվել տնօրենի ժամանակավոր պաշտոնակատար:

Նշենք, որ ինստիտուտի տնօրեն Հայկ Դեմոյանը գտնվում է ԱՄՆ-ում՝ Հարվարդի համալսարանի «Ֆուլբրայթ» ծրագրի շրջանակներում: