Նկարվելու «խերը»՝ կոտրվածքներ. Դիլիջանում ռումինացին բարձրացել էր էլեկտրասյան վրա՝ լուսանկարվելու

Տեղեկացրել էինք, որ երեկ Դիլիջանի վերջնամասում՝ Իջևան տանող ավտոճանապարհին, 22-ամյա ռումինացի Իվան Դանութն ընկել է էլեկտրական աշտարակից: Տղան նախ տեղափոխվել է Դիլիջանի ԲԿ, այնուհետև` Երևանի «Էրեբունի» ԲԿ:

«Էրեբունի» հիվանդանոցի տնօրեն Միքայել Մանուկյանը Yerkir.am-ի հետ զրույցում նշեց, որ տղան հիվանդանոց է տեղափոխվել կոտրվածքներով: «Նրան պետք է վիրահատենք, քանի որ ունի կոտրվածքներ ոտքի և ողնաշարի հատվածում: Այժմ նա վերակենդանացման բաժանմունքում է, վիճակը միջին ծանրության է: Առավոտյան խոսեցի հետը, մի փոքր անհանգստացած էր, բայց ասացի, որ ամեն ինչ լավ կլինի: Այնպես կանենք, որ շուտով ոտքի կկանգնի»,- ասաց Մանուկյանը:

Ոստիկանությունից էլ մեզ տեղեկացրեցին, որ երեկ Դիլիջանի հիվանդանոցից հաղորդում են ստացել, որ 1995թ. ծնված` Ռումինիայի քաղաքացի Իվան Դանութն ընկել է էլեկտրասյան վրայից ու ազդոսկրի բաց կոտրվածքով տեղափոխվել հիվանդանոց: Պարզվել է, որ տղան բարձրացել էր էլեկտրասյան վրա լուսանկարվելու նպատակով: