Առանց համապատասխան լիցենզիայի զբաղվել էր արտարժույթի ապօրինի առուվաճառքով

Գագիկ Խաչատրյանին ոստիկանության կազմակերպված հանցավորության դեմ պայքարի գլխավոր վարչության կոռուպցիայի և տնտեսական գործունեության դեմ ուղղված հանցագործությունների հակազդման վարչության ծառայողները բերման են ենթարկել հոկտեմբերի 12-ին: Կասկածանքը՝ առանց համապատասխան լիցենզիայի արտարժույթի ապօրինի առուվաճառքով զբաղվելն էր: Նախնական քննությամբ պարզվել է, որ նա մոտ 4 ամիս առանց համապատասխան լիցենզիայի իրականացրել է շուրջ 240 հազար ԱՄՆ դոլարի արտարժույթի ապօրինի փոխանակման գործարքներ: Խաչատրյանն իրավապահներին է ներկայացրել 485 հազար դրամ, 14 հազար ռուբլի և 250 դելար՝ հայտարարելով, որ այդ գումարներն օգտագործել է գործարքների ընթացքում: 
Հանգամանքները քննությամբ պարզվում են: