Արցախում ծրագրում են ամեն տարի ունենալ 8% տնտեսական աճ

Արցախի նորանշանակ պետնախարար Արայիկ Հարությունյանն այսօր լրագրողների հետ զրույցում անդրադարձավ Արցախում տնտեսական աճի ցուցանիշներին: Նա նշեց, որ իրենք ծրագրում են ամեն տարի ունենալ առնվազն 8% տնտեսական աճ: «Մեր հայրենակիցների ներդրումները քիչ են մեզ համար, ուստի այդ ծրագրած` մինիմալ 8% աճը բավարարելու համար մենք պետք է ավելի շատ ժամանակ ու ուշադրություն տրամադրենք տնտեսությանը: Սպառվում են մեր ռեսուրսները: Մեզ պետք են ոչ միայն հայրենակիցներ, այլև միջազգային հարթությունում գործող կազմակերպություններ, շատ ավելի մեծ ներդրումներ պետք է լինեն Արցախում»,- ասաց պետնախարարը:

Նրա համոզմամբ` տնտեսական աճի հետագա զարգացման համար անհրաժեշտ են ավելի մեծ ներդրումներ: