«Ասենք, որ մի մեշոկ վերցնեմ, չի կարելի՞, մեկ ա թափելու եք». ողբերգական վթարից հետո կինը տարավ մակարոնի պարկը

Արդեն հայտնել ենք, որ այսօր խոշոր ավտովթար է տեղի ունեցել Երևանում: Հերացու և Կորյունի փողոցների խաչմերուկի մոտակայքում «Volvo» մակնիշի 34 CO 003 պետհամարանիշով ավտոմեքենան 02Լ207 պետհամարանիշով կցորդիչով դուրս է եկել ճանապարհի երթևեկելի հատվածից և բախվել «Mercedes E» մակնիշի 35 GD 484 պետհամարանիշով (վարորդ՝ Մ. Մ.) ավտոմեքենային:

Փրկարարները 1972 թ. ծնված Ա. Ա.-ի դին դուրս են բերել ավտոմեքենայից և տեղափոխել շտապօգնության՝ դի տեղափոխող ավտոմեքենա:

Ողբերգական վթարից հետո բեռնատարից թափված պարկերով մակարոնն անտարբեր չի թողել մեր համաքաղաքացիներին. որոշել են «բարիքը» չթողնել գետնին:

Դիտեք Lragir.am-ի տեսանյութը: