Մեծ Պառնի գյուղի տարածքում կան ծխացող օջախներ

ԱԻՆ լրատվական ծառայության փոխանցմամբ, սեպտեմբերի 22-ին, ժամը 09:30-ին տեղեկություն է ստացվել, որ Լոռու մարզի Մեծ Պառնի գյուղի տարածքում կան ծխացող օջախներ, գյուղապետարանի աշխատակիցների կողմից իրականացվում է հերթապահություն:

Ժմաը 13:45-ի դրությամբ Լոռու մարզի Մեծ Պառնի գյուղի տարածքում՝ «Թռչկան» կոչվող ջրվեժ տանող ճանապարհին, ծխացող օջախները դուրս են եկել վերահսկումից. անհրաժեշտ է փրկարարների օգնությունը:

Դեպքի վայր են մեկնել երկու մարտական հաշվարկ և մարզային փրկարարական վարչության օպերատիվ խումբը:

Ժամը 19:55-ին ճանապարհի անանցանելիության և մթության պատճառով աշխատանքները դադարեցվել են:

Կտրվի լրացուցիչ տեղեկություն: