Մաշտոց- Ամիրյան խաչմերուկում 5 մեքենա միմյանց են բախվել

Սեպտեմբերի 19-ին, ժամը 19:29-ին ահազանգ է ստացվել, որ Երևան քաղաքի Մաշտոցի պողոտայի և Ամիրյան փողոցի խաչմերուկի մոտակայքում տեղի է ունեցել ՃՏՊ. անհրաժեշտ է օգնություն:

Դեպքի վայր է մեկնել մեկ մարտական հաշվարկ:

Պարզվել է, որ բախվել են «Opel Astra» մակնիշի 35 MQ 717 (վարորդ Ս. Հ.), «Daewoo Nexia» մակնիշի 34 ARV 814 (վարորդ` Հ. Ա.), «Mersedes C» մակնիշի 09 OL 209 (վարորդ Դ. Գ.), «Toyota Camry» մակնիշի 35 GD 590 (վարորդ Վ. Մ.) և «Opel Astra» մակնիշի 35 MA 557 պետհամարանիշերով (վարորդի տվյալները չի հաջողվել պարզվել) ավտոմեքենաները. տուժածներ չկան:

Փրկարարները հոսանքազրկել են «Toyota Camry» և «Opel Astra» մակնիշի 35 MA 557 պետհամարանիշերով ավտոմեքենաները և փակել գազի բալոնների փականներ: