Ազատ Լապշինի գրառումները երեք հիմնական փաստակազմ են պարունակում. Ռուբեն Մելիքյան

Արցախի մարդու իրավունքների պաշտպան Ռուբեն Մելիքյանն իր ֆեյսբուքյան էջում գրել է. «Լապշինի ազատ գրառումները (կամ ազատ Լապշինի գրառումները) երեք հիմնական փաստակազմ են պարունակում.

1) Ադրբեջանում հայատյացությունը հասել է աներևակայելի չափերի

2) իսլամական ռադիկալիզմն Ադրբեջանում մեծաթիվ ու շատացող կողմնակիցներ ունի

3) իր նկատմամբ ադրբեջանական բանտում կոպիտ բռնություն է կիրառվել։»

Հիշեցնենք, որ բլոգեր Ալեքսանդր Լապշինը, ով օրեր առաջ ազատվել է Բաքվի բանտից, իր ՖԲ էջում հերքել էր Ալիևին ուղղված զղջման նամակը` այն որակելով՝ կեղծիք: Լապշինը գրել է, որ հիվանդ է, բուժվում է: Ադրբեջանական բանտում նրան այնքան են ծեծել, կոկորդը սեղմել, որ չի կարողացել ջուր կամ կերակուր կուլ տալ:

Հիշեցնենք, որ Ռուսաստանի Դաշնության և Իսրայելի քաղաքացի, բլոգեր Ալեքսանդր Լապշինը լքել է Ադրբեջանը` մեկնելով Իսրայել: