Ինքնությունը պարզվել է. «Վերնիսաժ»-ի մոտ կատարված սպանությունը պատվիրվա՞ծ էր. լուսանկարներ

Հայտնի է Երևանի կենտրոնի ամենամարդաշատ վայրերից մեկում՝ «Վերնիսաժ»-ի մոտ արձակված կրակահերթի հետևանքով մահացած քաղաքացու ինքնությունը: Նա Լոռու մարզի բնակիչ` 43-ամյա Գ. Մ-ն է: Վիրավոր քաղաքացին նույնպես նույն մարզի բնակիչ է, 39 տարեկան: Այս մասին քիչ առաջ լրագրողներին հայտնեց ՀՀ ոստիկանության հասարակայնության հետ կապերի և լրատվության վարչության պետ Աշոտ Ահարոնյանը:

Շրջանառվող տեղեկությունների համաձայն` սպանությունը հնարավոր է պատվիրված է եղել, քանի որ հանցագործները դեպքի վայրում են թողել հանցագործության գործիք ինքնաձիգն ու ատրճանակը:

Հայտնել ենք, որ կրակոցների ժամանակ պատահաբար դեպքի վայրում է եղել Yerkir.am-ի լրագրողը և ֆիքսել է, թե ինչպես են մեքենայով արյունաշաղախ քաղաքացու տեղափոխում:

Yerkir.am-ին առայժմ չի հաջողվում պարզել, թե որ հիվանդանոց են տեղափոխել տուժած քաղաքացուն: