Մեկնարկում են «Հայաստանի զարգացման ռազմավարություն-2030» թեմայով քննարկումները

Այսօր կառավարության նիստում վարչապետ Կարեն Կարապետյանը դիտարկում ուներ «Հայաստանի զարգացման ռազմավարություն- 2030» փաստաթղթի մշակման վերաբերյալ:

Վարչապետի խոսքով` մեկնարկել են այդ փաստաթղթի մշակման աշխատանքները, և արդյունավետ քննարկումներ իրականացնելու նպատակով սեպտեմբերի 5-ին հանրապետական գործադիր մարմինների ղեկավարներին տրվել է հանձնարարական` ձևավորել ոլորտային աշխատանքային խմբեր: Այդ շրջանակում պարբերաբար կանցկացվեն ոլորտային թեմատիկ քննարկումներ նշված փաստաթղթի վերաբերյալ:

Վարչապետը հանձնարարեց գործադիրի բոլոր մարմիններին` ակտիվորեն ներգրավվել այդ փաստաթղթի քննարկումներով` դրանցում ընդգրկելով լավագույն մասնագետներին և ակտիվորեն համագործակցելով ռազմավարական հետազոտությունների կենտրոնի հետ: