ԼՂ հակամարտությունը կարող էր վաղուց կարգավորվել. Լավրով

ԼՂ և Մերձդնեստրի հակամարտությունները կարող էին վաղուց կարգավորված լինել. ըստ ТАСС-ի` հայտարարել է  ՌԴ ԱԳՆ ղեկավար Սերգեյ Լավրովը:

Խոսելով Արևմուտքի հետ հարաբերությունների մասին` նա նշել է, որ Ռուսաստանը պատասխանատու երկիր է և միշտ հավատարիմ է մնացել այն հռչակագրերին, որոնք վերջին 20 տարվա ընթացքում ընդունվել են ԵԱՀԿ-իև Ռուսաստան-ՆԱՏՕ խորհրդի կողմից:

Լավրովի խոսքով` այդ հռչակագրերում ձևակերպված է կողմերի ցանկությունը` Եվրաանտլանտիկայում և Եվրասիայում ձևավորել հավասար անվտանգության տարածություն, ինչպես նաև այն հավաստիացումը, որ մեզանից ոչ մեկը չի ամրապնդի իր անվտանգությունը ուրիշների անվտանգության ոտնահարման հաշվին:

Լավրովը նշել է, որ եթե հռչակագրերն իրավաբանորեն պարտադիր դառնային, շատ հակամարտություններ Եվրոպայում ներկայումս կարգավորված կլինեին: Դա վերաբերում է նաև ԼՂ և Մերձդնեստրի հակամարտություններին: «Իսկ ուկրաինական հակամարտությունն ընդհանրապես չէր լինի»,- ասել է նա: