«ՄԼ ՄԱՅՆԻՆԳ» ընկերությունը կազատվի ներմուծող ապրանքների մաքսատուրքից

Վաղը կառավարության նիստում կքննարկվի «ՄԼ ՄԱՅՆԻՆԳ» սահմանափակ պատասխանատվությամբ ընկերության կողմից ներկայացված հայտը:

Ընկերությունը կառավարությանը հայտ է ներկայացրել, որպեսզի գերակա ոլորտում իրականացվող ներդրումային ծրագրի շրջանակներում ներմուծված տեխնոլոգիական սարքավորումների, դրանց բաղկացուցիչ ու համալրող մասերի, հումքի և նյութերի ներմուծման մաքսատուրքից ազատվելու արտոնություն տրամադրվի:

«ՄԼ ՄԱՅՆԻՆԳ» սահմանափակ պատասխանատվությամբ ընկերության կողմից ներմուծվող հումքն օգտագործվելու է հանքարդյունաբերության մեջ։ Ներմուծվող սարքավորումները չեն ներմուծվում ԵԱՏՄ անդամ երկրներից, քանի որ չեն բավարարում ընկերությանն անհրաժեշտ տեխնիկական չափանիշներին։

Նախագիծը ներկայացնելու է տնտեսական զարգացման և ներդրումների նախարար Սուրեն Կարայանը: