Մահացածի թոշակի համար հարազատները կարող են դիմում ներկայացնել ոչ միայն հաշվառման վայր

Կառավարության նիստում ՀՀ կառավարության 2011 թվականի մայիսի 5-ի` «Կենսաթոշակ վճարելու կարգը հաստատելու մասին» օրինագծի մեջ աշխատանքի և սոցիալական հարցերի նախարարությունը փոփոխություն առաջարկեց: Նախագիծը ներկայացրեց նախարարի առաջին տեղակալ Արայիկ Պետրոսյանը: Նա նշեց, որ նախատեսվող փոփոխությունն իրավակիրառ բնույթի է:

«Փոփոխությունը վերաբերում է կենսաթոշակառուի մահվան դեպքում թաղման նպաստի վճարման և մահվան դեպքում չստացած թոշակը ստանալու համար դիմում ներկայացնելու ընթացակարգին: Եթե նախկինում դիմումը կարելի էր ներկայացնել միայն հաշվառման վայրի ծառայություն, այժմ կարող են ցանկացած տեղում դիմում տալ»,- ասաց Պետրոսյանը:

Նա հայտնեց, որ նախագիծը քննարկվել և հավանության է արժանացել:

Կառավարությունն ընդունեց նախագիծը: