Խոսրովի արգելոցում կամավորականների օգնության կարիք այս պահին չկա

Բնապահպանության նախարարի մամուլի խոսնակ Մարինե Կարապետյանը ֆեյսբուքյան իր էջում գրում է. «Հարգելի ընկերներ, Խոսրովի անտառ պետական արգելոցի իրավիճակով մտահոգ քաղաքացիներ. արձագանքելով ձեր մտահոգություններին և առաջարկություններին արգելոցում հրդեհաշիջման աշխատանքներին օգնություն ցուցաբերելու համար հայտնում ենք, որ արգելոցի տնօրեն Հրաչյա Հովակիմյանը տեղեկացրել է , որ ներկայում կամավորականների օգնության կարիքը չկա, տեղայնացված օջախները մարելու համար մասնագետների ուժերը լիովին բավարար են, աշխատանքները արտակարգ իրավիճակների և բնապահպանության նախարարությունները համակարգված իրականացնում են: Շնորհակալություն աջակցության պատրաստակամության և այս օրերին ցուցաբերած օժանդակության համար»: