Էջմիածնի ճանապարհին տղամարդը ավտոմեքենայի մեջ կախվել է

Ոստիկանության Վաղարշապատի բաժին ահազանգ է ստացվել, որ Էջմիածին –Աշտարակ ավտոճանապարհի 2-րդ կմ հատվածում՝ «Բոբոխի աղբյուրի» զրուցարանի մոտ կայանված ГАЗель մակնիշի 17 ՍՕ 446 համարանիշի ավտոմեքենայի առջևի հատվածում տղամարդու կախված դի կա:

Ոստիկանության լրատվական բաժնից Yerkir.am-ի հետ զրույցում հաստատեցին լուրը:

«Այսօր՝ ժամը 10:30-ին, քաղաքացի է ահազանգել ոստիկանություն և հայտնել, որ էջմիածին-Աշտարակ ավտոճանապարհի 1-ին կմ-ի հատվածում ավտոմեքենայի մեջ մարդ կա կախված»,- հայտնեցին ոստիկանության լրատվական բաժնից:

Դեպքի վայր են մեկնել ոստիկանություն ծառայողները: Դեպքի հանգամանքները պարզելու համար կատարվում է քննություն: