ԱՄՆ-ը ռազմական պատասխան է պատրաստել ԿԺԴՀ-ի գործողություններին. Թրամփ

ԱՄՆ նախագահ Դոնալդ Թրամփը հայտարարել է, որ Վաշինգտոնը ռազմական պատասխան է պատրաստել, եթե Փհենյանն անխոհեմ գործողություններ ձեռնարկի. հայտնում է РИА Новости -ն: Այդ մասին նա գրել է իր թվիթերյան էջում:

«Ռազմական միջոցներն ամբողջովին պատրաստ են, ամեն բան պատրաստ է կիրառման, եթե Հյուսիսային Կորեան անխոհեմ գործի: Հուսով եմ՝ Կիմ Չեն Ընն այլ ճանապարհ կընտրի»,- գրել է Թրամփը Twitter-ում:

Ավելի վաղ ԱՄՆ նախագահը սպառնացել էր ԿԺԴՀ-ին` «կրակով և զայրույթով» պատասխանել, եթե ԱՄՆ-ի համար սպառնալիք լինի: Կորեայի կենտրոնական հեռագրային գործակալությունը հայտնել էր, որ ԿԺԴՀ-ի զինվորականները դիտարկում են Գուամ կղզում ԱՄՆ-ի օբյեկտներին հրթիռային հարված հասցնելու հնարավորությունը: