ԱԺ-ն քննարկում է Սևանա լճից հավելյալ 100 մլն խորանարդ մետր ջուր բաց թողնելու հարցը

ԱԺ-ում կառավարության կողմից հրավիրված արտահերթ նիստում քննարկվում է Սևանա լճից հավելյալ 100 մլն խորանարդ մետր ջուր բաց թողնելու մասին օրենքի նախագիծը: ԱԺ նախագահ Արա Բաբլոյանն ասաց, որ կառավարությունն առաջարկել է 3 ժամ քննարկել:

«Ելք» խմբակցության պատգամավոր Արտակ Զեյնալյանը վարման կարգով ելույթ ունեցավ և ասաց, որ առաջարկում է քննարկումների ժամանակը երկարացնել, քանի որ սա շատ կարևոր խնդիր է, և այդքան կարճ ժամանակում հնարավոր չէ քննարկումները ավարտել: Բաբլոյանը պատասխանեց, որ միշտ էլ կարող են քննարկումների ժամանակը երկարացնել, եթե հարցի քննարկումը չվերջանա:

Ձայների` 62 կողմ, 3 դեմ, 9 ձեռնպահ հարաբերակցությամբ ԱԺ-ն որոշեց, որ հարցի քննարկումը կտևի 3 ժամ: