Կանցկացվի նոր համապետական շաբաթօրյակ

Այսօր վարչապետ Կարեն Կարապետյանը հանձնարարական տվեց «Մաքուր Հայաստան» նախագծի ընթացքի վերաբերյալ:Արդեն իրականացվել են մի շարք գործողություններ, փակվել են 1480 աղբանոցներ, սանիտարական մաքրման աշխատանքները 126 համայնքներում պատվիրակվել են 39 մասնավոր ընկերությունների:

Հանձնարարվեց ՏԿԶ նախարարինու ՀՀ մարզպետներին 2 ամսյա ժամկետում կառավարության աշխատակազմ ներկայացնել աղբահանության և սանիտարական մաքրման ոլորտի կարգավորմանն ուղղված օրենսդրական փաթեթ, աղբավայրերի արտոնագրման չափանիշներ,ինչպես նաև ապահովել հուլիսի 29-ին երկրորդ համապետական շաբաթօրյակի կազմակերպումը:Ձեռնարկել նաև միջոցներ 549 աղբավայրերը կրկնակի կրճատելու ուղղությամբ:

Նա ՏԿԶ նախարար Դավիթ Լոքյանին հարցրեց, թե երբ է մշակվելու օրենսդրական նախաձեռնությունը, որը նախատեսում է համապատասխան տուգանքներ և ծառայություններ «Մաքուր Հայաստան»-ի համատեքստում: Դավիթ Լոքյանը նշեց, որ արդեն ավարտվել է օրենսդրական նախաձեռնության մշակումը, օգոստոսի առաջին տասնօրյակում այն կներկայացվի կառավարության հաստատմանը և սեպտեմբերի առաջին տասնօրյակում կուղարկվի ԱԺ քննարկմանը: