Չեմ ցանկանում, որ ընդդիմադիրներին բանտ նետող նախագահը մասնակցի G20-ին. Շուլցը՝ Էրդողանի մասին

Սոցիալ-դեմոկրատական կուսակցության նախագահ Մարտին Շուլցն անդրադարձել է  հուլիսի 1-8-ը Համբուրգում կայանալիք G20 գագաթաժողովին Թուրքիայի մասնակցությանը:

Ըստ Demokrathaber-ի՝ Շուլցը հրապարակորեն հայտարարել է, որ քանի դեռ Թուրքիայում ընդդիմադիրներն ու լրագրողները գտնվում են բանտերում, ինքը չի ցանկանում Թուրքիայի մասնակցությունն այդ ժողովին:

«Սեփական երկրում արժեքներ ոտնահարող օտար քաղաքական գործիչները չեն կարող Գերմանիայում միջոցառումներ կազմակերպել և դրա ընթացքում հրահրող ելույթներով հանդես գալ: Չեմ ցանկանում, որ Թուրքիայում ընդդիմադիրներին և լրագրողներին բանտ նետող Էրդողանը միջոցառում կազմակերպի Գերմանիայում»,- հայտարարել է նա: