Երկակի նշանակության ապրանքների արտահանման-ներմուծման դեպքում կպարզեցվի վարչարարությունը

Այսօր կառավարության նիստում օրակարգին անցնելուց առաջ վարչապետ Կարեն Կարապետյանը հանձնարարական տվեց երկակի նշանակության ապրանքների արտադրության և արտահանման վարչարարության պարզեցման վերաբերյալ:

«Ժամանակակից տեխնոլոգիաների զարգացման գործում շատ կարևոր է ստեղծել նման արտադրանքի արտահանման և ներմուծման բարենպաստ թափանցիկ պայմաններ: Մեր կողմից իրականացվող ուսումնասիրությունների արդյունքում պարզ է դարձել, որ երկակի նշանակության ապրանքների արտահանման և ներմուծման դեպքում գործող ընթացակարգերը հստակ և կանխատեսելի չեն տնտեսվարողների համար, ինչպես նաև ժամանակատար են»,- ասաց Կարեն Կարապետյանը` հավելելով, որ պարզեցնել վարչարարությւոնը և փաստաթղթաշրջանառությունը:

Նա հանձնարարեց տնտեսական զարգացման և ներդրումների նախարարին, կապի, տրանսպորտի և ՏՏ, պաշտպանության նախարարներին, ՊԵԿ նախագահին, ՀՀ առևտրաարդյունաբերական պալատի նախագահին կառավարության աշխատակազմ ներկայացնել հստակ առաջարկություններ երկակի նշանակության ապրանքնեռրի արտահանման և ներմուծման դեպքում վարչարարության պարզեցման վերաբերյալ: