Երևանի Մեծարենցի փողոցի տներից մեկում նկատվել է օձ

Հունիսի 5-ին, ժամը 17:26-ին ահազանգ է ստացվել, որ Երևան քաղաքի Մեծարենցի փողոցի տներից մեկում նկատվել է օձ. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Փրկարարները հայտնաբերել են սահնօձ տեսակի օձ և տեղափոխել անվտանգ տարածք:

Հունիսի 5-ին, ժամը 13:39-ին ահազանգ է ստացվել, որ Երևան քաղաքի Քոչինյան փողոցի թիվ 7/9 հասցեում գտնվող ձեռնարկության բակում նկատվել է օձ.  անհրաժեշտ է փրկարարների օգնությունը:

Դեպքի վայր է մեկնել հատուկ նշանակության փրկարարական աշխատանքներ իրականացնող կենտրոնի փրկարարական ջոկատը:

Փրկարարները հայտնաբերել են շահմար տեսակի օձ և տեղափոխել անվտանգ տարածք:

Հունիսի 5-ին, ժամը 10:32-ին ահազանգ է ստացվել, որ Երևան քաղաքի Նոր Արեշի 16-րդ փողոցի տներից մեկի բակում բռնել են օձ. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Փրկարարները լորտու տեսակի օձին տեղափոխել են անվտանգ տարածք: