Հունիսի 4-ը Ադրբեջանի ագրեսիայի զոհ 12-ամյա Վաղինակի հիշատակի օրն է. Արա Բաբլոյան

ԱԺ նախագահ Արա Բաբլոյանն իր ֆեյսբուքյան էջում գրել է.

«ՄԱԿ-ի Գլխավոր ասամբլեայի որոշմամբ հունիսի 4-ը նշվում է Ագրեսիայի զոհ դարձած անմեղ երեխաների միջազգային օր:

Անցյալ տարի ապրիլին ադրբեջանի ռազմական ագրեսիայի ընթացքում հրթիռահրետակոծության հետեւանքով դպրոցի բակում զոհվեց Արցախի Հանրապետության Մարտունու շրջանի Զորավան գյուղի 12-ամյա բնակիչ Վաղինակ Թաթուլի Գրիգորյանը, ևս երկու երեխա վիրավորվեցին:
Հունիսի 4-ը ագրեսիաներին, ռազմական հակամարտություններին եւ ահաբեկչություններին զոհ գնացած երեխաների, այդ թվում՝ 12-ամյա Վաղինակի հիշատակի օրն է, հիշեցումի օր է բոլոր քաղաքակիրթ մարդկանց, որ երեխայի կյանք խլած յուրաքանչյուր ագրեսիայի հեղինակ եւ իրականացնող չպետք է անպատիժ մնա, զգուշացումի օր է բոլոր նրանց, ում մեջ անզորությունը եւ անհանդուրժողականությունը վերածվում են ագրեսիայի, իսկ վերջինս էլ հանգեցնում անմեղ երեխայի մահվան՝ պատիժն անխուսափելի է եւ արդարացի»: