Չինաստանը Հայաստանին 200 շտապօգնության մեքենա և ռեանիմոբիլ կնվիրի

Այսօր կառավարության նիստում հաստատվեց Հայաստանի Հանրապետության կառավարության և Չինաստանի Ժողովրդական Հանրապետության կառավարության միջև տեխնիկատնտեսական համագործակցության մասին» համաձայնագրի կնքման առաջարկությանը համաձայնություն տալու մասին հարցը:

Ըստ այդ համաձայնագրի` Չինաստանը 2017-ին հավանություն է տվել Հայաստանին 200 շտապօգնության մեքենա և ռեանիմոբիլ նվիրելու ծրագրին: Համաձայն առողջապահության նախարարության` նշյալ 200 մեքենաները ստանալով` հայկական կողմը կկարողանա ամբողջությամբ բավարարել հանրապետությունում շտապօգնության մեքենաների կարիքը: Ստացվող ավտոմեքենաների մեծ մասը կտրամադրվի մարզերին: Մեքենաները Հայաստանում կլինեն աշնանը: