Պուտին-Մերկել զրույցը եղել է անկեղծ ու կառուցողական. Պեսկով

Վլադիմիր Պուտինի մամուլի խոսնակ Դմիտրի Պեսկովը «Вести.Ru»-ի հետ զրույցում պատմել է, որ Գերմանիայի կանցլեր Մերկելը Պուտինի հետ բանակցությունների ընթացքում զերծ է մնացել բարոյախրատական տեքստերից:

«Ինչ վերաբերում է հարցին, թե ինչ պետք է աներ Մերկելը, կամ ինչ պետք է չաներ, դա մեր գործը չէ: Կարող եմ ասել, որ ընթացել են շատ անկեղծ, կառուցողական քննարկումներ, մտքերի փոխանակումներ ընթացիկ և միջազգային խնդիրների վերաբերյալ

Բացի այդ, մամուլի խոսնակը հավելել է, որ երկու քաղաքական գործիչների զրույցի ընթացքում չի շոշափվել Ռուսաստանի դեմ պատժամիջոցների հարցը, քանի որ «Պուտինը սկզբունորեն չի բարձրացնում պատժամիջոցների հարցը»:Պեսկովի խոսքով` ԵՄ պատժամիջոցները, ճիշտ է, զգալի վնաս են հասցրել Ռուսաստանի տնտեսությանը, սակայն  «չկա չարիք, առանց բարիք, և պատժամիջոցները դրական դեր էլ են խաղացել, մեծ խթան հանդիսանալով տեղական արտադրությունը ներմուծմամբ փոխարինելու հարցում»: