ԱՄՆ-ը ցանկանում է վերականգնել հեգեմոնիան աշխարհում. Ասադ

Աշխարհաքաղաքական դժվարությունները, որոնց բախվում են Սիրիան, Իրանը, Ռուսաստանը և այլ երկրներ, խոսում են աշխարհում հեգեմոնիայի հաստատման` ԱՄՆ-ի ձգտման մասին: Այդ մասին  վենեսուելական TeleSUR հեռուստաալիքին տված հարցազրույցում հայտարարել է Սիրիայի նախագահ Բաշար Ասադը. հայտնում է Интерфакс-ը:

Նա նշել է, որ աշխարհում ԱՄՆ-ի հեգեմոնիայի բացակայությունը սպառնում է ամերիկյան տնտեսական և քաղաքական էլիտաների շահերին:

«Ահա, թե ինչու այն, ինչ տեղի է ունենում Սիրիայի, ԿԺԴՀ-ի, Իրանի, Ռուսաստանի և, հնարավոր է, Վենեսուելայի հետ, ուղղված է աշխարհում ամերիկյան հեգեմոնիայի  վերականգնմանը, քանի որ կարծում են, որ այդ հեգեմոնիան այժմ սպառնալիքի տակ է»,- ասել է Ասադը: