Ամեն անգամ խորապես հուզվում էի. Այզեքը` «Խոստումը» ֆիլմում իր կերտած կերպարի մասին

Ցեղասպանության մասին պատմող «Խոստումը» ֆիլմի սցենարին անդրադարձել է «The Independent»-ը` ընդգծելով գլխավոր կերպարները կերտելու բարդությունը:

Պարբերականը ներկայացրել է գլխավոր դերակատար Օսկար Այզեքի մեկնաբանությունը, որը մարմնավորել է ապագա բժիշկ Միքայելի կերպարը, որը ցանկանալով փրկել իր ընտանիքը վերադառնում է հարենի գյուղ, սակայն ավերված ու դիակներով պատված է հայտնաբերում այն:

«Ես ամեն անգամ խորապես հուզվում էի` անդրադառնալով այդ տեսարաններին: Ամեն անգամ սցենարը կարդալիս չէի կարողանում զսպել հուզմունքս: Այդ էր այն մեծ պատճառներից մեկը, որ ցանկացա նկարահանվել ֆիլմում` փորձելով հասկանալ, թե ինչպես կարող էր դա պատահել», - ասել է 38-ամյա դերասանը` ելույթ ունենալով Մանհեթենում: