ԵԽԽՎ-ն կհետաքննի Ադրբեջանի իշխանությունների կողմից իր անդամներին կաշառելու փաստերը

Եվրոպայի խորհրդի {որհրդարանական վեհաժողովն այսօր կնշանակի երեք անկախ փորձագետի այդ կառույցի որոշ անդամների նկատմամբ կոռուպցիայի մեղադրանքների հետաքննության համար. այդ անդամները մեղադրվում են ադրբեջանական իշխանություններից խոշոր գումարներ ստանալու մեջ. հայտնում է ադրբեջանական contact.az-ը:

Caviargate անվանումով  սկանդալն առաջացել է ԶԼՄ-ների հրապարակումներից հետո, որոնցում ասվում է, որ 2013-ի  հունվարին ԵԽԽՎ որոշ անդամներ և նախկին անդամներ կաշառվել են ադրբեջանական կառավարության կողմից, որպեսզի դեմ քվեարկեն Ադրբեջանում քաղբանտարկյալների մասին զեկույցին: Արդյունքում` զեկույցը տապալվել է, իսկ որոշ խորհրդարանականներ դրա դիմաց արտոնություններ և գումարներ են ստացել, որոնց ծագումը պարզ չէ: Խոսքը գումարների, թանկարժեք գորգերի, շքեղ հյուրանոցներում կացությամբ Բաքու անվճար ուղևորությունների և այլնի մասին է:

Հունվարին ԵԽԽՎ ավելի քան 60 պատգամավոր պահանջել է այդ հարցի վերաբերյալ անկախ հետաքննություն անցկացնել: