NYT-ի աշխատակիցներին Պուլիցերյան մրցանակ է շնորհվել

Պուլիցերյան մրցանակի է արժանացել The New York Times-ը՝ Պուտինի մասին հրապարակումների համար, գրում է «Reuters»-ը: Պարբերականը մրցանակի է արժանացել ևս 2 անվանակարգում՝ ակնարկի և լրատվական լուսանկարի համար: Այս մասին Կոլումբիայի համալսարանի լրագրության դպրոցում հայտարարել է մրցանակի կոմիտեի ղեկավար Մայքլ Փրայդը:

«Միջազգային լրագրության համար մրցանակը շնորհվում է The NYT-ի աշխատակիցներին՝ ԱՄՆ-ի սահմաններից դուրս ռուսական ազդեցության տարածմանը նվիրված Վլադիմիր Պուտինի ջանքերին առնչվող նյութերի համար»,- հայտնել են կազմակերպիչները:

Հետաքրքրական է, որ հայտարարության տեքստում բավականին քննադատաբար է խոսվում ՌԴ իշխանությունների վարած քաղաքականության և կիրառվող մեթոդների մասին, որոնք ուղղված են սեփական նպատակներին հասնելուն:

Այս որոշումը կայացվել է, քանի որ Պուտինի մասին թերթի հրապարակումներն առաջին տեղերում են հայտնվել վերջին շրջանի կարևոր նորությունների ցանկում: