Ես չեմ սիրում մարդկանց, ովքեր, լքելով երկիրը, քննադատում են նրա քաղաքականությունը. Ազնավուր

Հանրահայտ երգիչ, երգահան Շարլ Ազնավուրն աջակցել է Հայաստանի քաղաքացիների ընտրությանը: Նման հայտարարությամբ նա հանդես է եկել ТАСС-ում կայացած մամուլի ասուլիսի ժամանակ:

«Ով էլ ընտրվել է իմ ժողովրդի կողմից, ես ընդունում եմ այդ ընտրությունը»,- ասել է Ազնավուրը:

Նա նշել է, որ ճիշտ չէ քննադատել երկիրը դրսից: «Ես չեմ սիրում մարդկանց, ովքեր, լքելով երկիրը, քննադատում են նրա քաղաքականությունը: Ինձ համար ամեն ինչ հրաշալի է»,- ասել է Ազնավուրը:

Ազնավուրը խոստովանել է, որ առհասարակ չի սիրում քննարկել քաղաքականությունը:

«Չնայած այն բանի, որ քաղաքական գործիչ ընկերներ ունեմ, ես երբեք չեմ խոսում քաղաքականությունից: Ես նրանց հետ խոսում եմ արվեստի մասին` երաժշտության, կինոյի և նկարչության: Մենք շատ թեմաներ ունենք»,-նշել է երգիչը: