Վենեսուելայի խորհրդարանը զրկվել է օրենսդրական լիազորություններից` նախագահի հետ հակասությունների պատճառով

Վենեսուելայի Գերագույն դատարանը զրկել է երկրի խորհրդարանն օրենսդրական լիազորություններից և ստանձնել վերջինիս պարտավորություններն անորոշ ժամանակով: Քանի դեռ Ազգային ժողովն անտեսում է գործող օրենքները, օրենսդիրի գործառույթները կկատարի Գերագույն դատարանը կամ դրա նշանակած մարմինը, փոխանցում է «DW.com»-ը:

Մարտի 22-ին Վենեսուելայի Գերագույն դատարանն արդեն զրկել էր խորհրդարանականներին պատգամավորական անձեռնմխելիությունից՝ ճանապարհ հարթելով դեպի նրանց քրեական հետապնդում:

Որոշումները կայացվել են Վենեսուելայի սոցիալիստ նախագահ Նիկոլաս Մադուրոյի կառավարության և ընդդիմության միջև խորը առճակատման ֆոնին: