Կարծում եմ` կկարողանա լուրջ մրցակից լինել. Դավիթ Լոքյանը՝ որդու մասին

Տարածքային կառավարման և զարգացման նախարար Դավիթ Լոքյանն իր որդուն պատգամավորների թեկնածուներին արժանի մրցակից է համարում: Նախարարի որդին` Սերգեյ Լոքյանը, ՀՅԴ-ի տարածքային ցուցակում 29-րդ տեղում է և առաջադրվել է թիվ 1 ընտրատարածքում:

Այսօր խորհրդարանում, պատասխանելով լրագրողների հարցին՝ հաշվի առնելով մրցակցությունը, որդու շանսերն ինչպե՞ս է գնահատում, Լոքյանը նշեց. «Գիտե՞ք` այդ մրցապայքարի հետ յուրաքանչյուր կուսակցության ռեյտինգային թեկնածուն էլ կապ չունի, կարծում եմ` ինքը կկարողանա լուրջ մրցակից լինել այդ ընտրատարածքում, և ժողովրդից կախված կլինի, թե ինչ չափով ձայներ կունենա»:

Անդրադառնալով Բազմասեր Առաքելյանի և դաշնակցականներից մեկի միջև տեղի ունեցած միջադեպին, նախարարը  նշեց, որ մանրամասներին չի տիրապետում: «Եթե նույնիսկ եղել է այդպիսի վիճաբանություն, դա չի կարող կրկնվել Դաշնակցության հետ։ Ես Բազմասեր Առաքելյանի հայտարարությունը տեսա, որ իրենք ընկերներ են ու չունեն պրոբլեմ»,- եզրափակեց Լոքյանը: