Լևոն Յոլյանը ընտրվեց ՎՊ նախագահ

Այսօր ԱԺ քառօրյա նիստում ԱԺ հաշվիչ հանձնաժողովի նախագահ Սուքիաս Ավետիսյանը հայտարարեց, որ տեղի ունեցան ՎՊ նախագահի ընտրությունները, որին մասնակցել է 101 պատգամավոր: Լևոն Յոլյանի թեկնածությանը կողմ է քվեարկել 99 պատգամավոր, երկու քվեաթերթիկ անվավեր է համարվել:

Լևոն Յոլյանը շնորհակալություն հայտնեց բոլոր պատգամավորներին իր օգտին ձայն տալու համար: «Հաճելի անակնկալ էր այստեղ տիրող բարյացակամ ու ջերմ մթնոլորտը իմ թեկնածությունը քննարկելիս: Շնորհակալ եմ անխտիր բոլոր ելույթ ունեցողներին, ձեր խոսքերը պարտավորեցնող են: Կաշխատեմ իմ գործունեության ու ԱԺ-ի հետ համագործակցության մեջ բարձր նիշ ապահովել»,- ասաց նա: