Բոլոր միջոցներն էլ լավն են. դեմոկրատները Թրամփին պաշտոնանկ անելու ծրագիր են մշակում

ԱՄՆ Դեմոկրատական կուսակցության նախագահ Դևիդ Բրոքը մշակել է Դոնալդ Թրամփին պաշտոնանկ անելու ծրագիր. հայտնում է RT հեռուստաալիքը:

Նախաձեռնության հեղինակների կարծիքով` իրենց ծրագիրը կհանգեցնի 2020-ին Թրամփի իմպիչմենտին, ընդ որում` դեմոկրատների հիմնական զենքը ԱՄՆ նախագահի սխալների քննադատությունն է լինելու:

«Նրանք ծրագրում են մի թիմ ստեղծել, որը կհետևի այլ պետությունների ղեկավարների հետ նախագահի հարաբերություններին և նոր վարչակազմի յուրաքանչյուր քայլի»,- հայտնում է հեռուստաալիքը: 

Բացի այդ` դեմոկրատները պատրաստվում են հակադրվել Թրամփին աջակցող լրատվամիջոցներին, համագործակցել «Ֆեյսբուք»-ի հետ, որպեսզի ցանցը խոչընդոտի «ոչ ցանկալի» լուրերի տարածմանը: