Ես իմ ընկերոջ՝ Հովհաննես Վարդանյանի կողքին եմ կանգնելու. Հովհաննես Շահինյան

Արաբկիրի նախկին թաղապետ Հովհաննես Շահինյանը սատարելու է Արաբկիր վարչական շրջանի ղեկավար Հովհաննես Վարդանյանի թեկնածությանը: 

Yerkir.am-ի հետ զրույցում, ի պատասխան հարցադրմանը, թե ում թեկնածությունն է պաշտպանելու Արաբկիր վարչական շրջանում, նա ասաց. «Ես իմ վաղեմի ընկերոջ՝ Հովհաննես Վարդանյանի կողքին եմ կանգնելու, նրա թիմում, նրա նախընտական շտաբում: Ես նրա կողքին եմ լինելու ամբողջ ընտրապայքարի, քարոզարշավի ընթացքում»:

Շահինյանը հավելեց, որ կցանկանար քաղաքակիրթ պայքար տեսնել, լարվածության բացառում:

Խոսելով հետագա անելիքների մասին` նա նշեց, որ այդ մասին կհայտարարի խորհրդարանական ընտրություններից հետո: Միայն հաստատեց տեղեկությունները, որ մասնակցելու է մայիսին կայանալիք` Երեւանի ավագանու ընտրություններին: