Խոսքը վերաբերում է առավել հաջողված ծրագրերից մեկին` չինական դպրոցի կառուցմանը. Լևոն Մկրտչյան

Այսօր կառավարության նիստում ԿԳ նախարար Լևոն Մկրտչյանը ներկայացրեց ԿԳՆ-ին գումար հատկացնելու մասին որոշումը: Խոսքը վերաբերում է առավել հաջողված ծրագրերից մեկին` չինական դպրոցի կառուցմանը:

ԿԳՆ-ին  տրամադրվելիք 1,200,000.0 հազ. դրամ գումարը կարող է օգտագործվել որպես ապրանքների ներմուծման գործարքների համար մաքսային մարմիններին վճար­ման ենթակա ավելացված արժեքի հարկ, որի վճարման համար հիմք է ընդունվում մաքսային մարմնի կողմից գրանցված մաքսային հայտարարագիրը:

Նախագծի հաստատման արդյունքում պայմաններ կստեղծվեն Հայաստանում չինական դպրոցի շինարարական աշխատանքների բնականոն ընթացքն ապահովելու համար: 

«Հանրապետության նախագահի այցի ժամանակ ստորագրվեցին համաձայնագրեր, որոնց արդյունքում շուրջ 10,5 միլիոն դոլարի ներդրում պետք է կատարվի դպրոցի կառուցման համար»,- ասաց նախարարը:

Որոշումն ընդունվեց: