Ֆինյոնի «սպիտակ գիշերները» սկսվում են

Փետրվարի 8-ը Ֆրանսիայում նախագահական ընտրությունների քարոզարշավի թեժ պահերից մեկն է, որը, հավանաբար, նախագահի թեկնածու Ֆրանսուա Ֆիյոնի համար սեւ օր է դարձել։ Երգիծական Le Canard enchaîné շաբաթաթերթը լույս է տեսել նոր բացահայտումով։ Թերթը գրում է, որ «Հանրապետկանների»  թեկնածու Ֆիյոնի կինը՝ Պենելոպա Ֆիյոնը, 45 հազար եվրո արձակուրդային աշխատավարձ է ստացել պատգամավորի օգնականի պաշտոնից ազատվելուց հետո, փոխանցում է RFI–ն։

Le Canard enchaîné–ը նշում է, որ օրենքը պաշտոնաթող պատգամավորի օգնականի համար նման վճարներ չի նախատեսում։ Ավելի վաղ պարբերականը հայտնել էր, որ Պենելոպա Ֆիյոնը շատ տարիներ աշխատել է այդ պաշտոնում եւ դրա համար 900 000 եվրո է ստացել։ Հետաքննությունը կասկածներ ունի, որ այդ աշխատանքը կարող է ֆիկտիվ լինել։