Անհրաժեշտ միջոցառումներ կիրականացնենք նրան ընտանիքին վերադարձնելու համար. ՌԴ ԱԳՆ-ն` Լապշինի մասին

ՌԴ ԱԳՆ-ն հայտարարություն է արել Ադրբեջանին արտահանձնված բլոգեր Ալեքսանդր Լապշինի վերաբերյալ:

«Ըստ եղած տեղեկատվության` փետրվարի 7-ին Բելառուսի Գերագույն դատարանը, փակ ռեժիմով քննելով գործը, չի բավարարել Ռուսաստանի և Իսրայելի քաղաքացի Ալեքսանդր Լապշինի բողոքը իրեն Ադրբեջանին արտահանձնելու մասին` Բելառուսի Հանրապետության գլխավոր դատախազության որոշման դեմ: Ռուսական կողմն արտահայտում է իր հիասթափությունը այդ որոշման կապակցությամբ, որը չի համապատասխանում Ռուսաստանի և Բելառուսի միջև դաշնակցային հարաբերությունների ոգուն»,- ասվում է ՌԴ ԱԳՆ կայքում տեղադրված հայտարարության մեջ:

«Մտադիր ենք հետագայում էլ բոլոր անհրաժեշտ միջոցառումներն իրականացնել ՌԴ քաղաքացու իրավունքների և օրինական շահերի պաշտպանության ուղղությամբ` շուտափույթ նրան ընտանիքին վերադարձնելու նպատակով»,- ընդգծել է նախարարությունը: