Սուրբ Սարգսի տոնն այս տարի փետրվարի 11-ին է

Այս տարի փետրվարի 11-ին կնշենք Ս. Սարգիս զորավարի, նրա Մարտիրոս որդու և 14 զինվորների տոնը: Ն.Ս.Օ.Տ.Տ. Գարեգին Բ Ամենայն Հայոց Հայրապետի բարձր տնօրինությամբ այն հռչակվել է երիտասարդների օրհնության օր:

Արարատյան Հայրապետական թեմը տոնին վերադարձրել է երբեմնի ժողովրդականությունը: Այս տարի էլ բազմաթիվ ծրագրերով ու նախաձեռնություններով է հարուստ տոնական ծրագիրը՝ համերգներ, մրցույթներ, քայլերթ:

Նշենք, որ Ս. Սարգիսը սիրո երազանքն իրականացնող Սուրբ է համարվում: Սուրբ Սարգիս տոնի անբաժանալի մասն է աղի բլիթի արարողությունը: Տոնի նախորդ օրը երիտասարդներն ուտում են աղի բլիթ' հույսով, որ երազին իրենց կյանքի ուղեկիցը ջուր կտա: