Սիրիայի ընդդիմադիր ուժերը գրոհ են սկսել Ռաքքան ԻՊ-ի գրոհայինների ազատագրելու համար

ԱՄՆ-ի կողմից աջակցություն ստացող քրդական և արաբական զորամիավորումները տեղեկացրել են Սիրիայի Ռաքքա քաղաքի ուղղությամբ նոր գրոհ սկսելու մասին, որտեղ վերահսկողություն են հաստատել «Իսլամական պետություն» ահաբեկչական խմբավորման գրոհայինները: 

Ինչպես տեղեկացնում է BBC-ն, «Սիրիայի դեմոկրատական ուժեր» ընդդիմադիր կոալիցիայի հաղորդագրության մեջ ասվում է, որ իրենք մտադիր են գրավել Ռաքքայի արևելյան շրջանները, այդ թվում և կարևոր նշանակության ճանապարհները:

Գրոհը սկսվել է դեռևս անցյալ տարվա նոյեմբերին, և այս ընթացքում ընդդիմադիր ուժերին հաջողվել է դիրքեր գրավել քաղաքի հյուսիսում:  

Նախօրեին տեղեկություն էր տարածվել, որի համաձայն Ռաքքայում դադարեցվել է ջրամատակարարումը: Ինչպես հայտնել են ականատեսները, քաղաքին ջուր մատակարարող գլխավոր ջրատար խողովակը վնասվել է ԱՄՆ-ի գլխավորած կոալիցիայի ավիացիոն ռմբակոծությունների հետևանքով: