Բելգիական սրճարանը դադարել է ամերիկյան ապրանքներ մատուցել

Բելգիայի Անտվերպեն քաղաքում գործող հայտնի սրճարաններից մեկը վերջերս դադարել է Coca Cola և ամերիկյան արտադրության այլ ապրանքներ մատուցել, որոնք նախկիոնւմ առկա էին հաստատության մենյուում:

Ինչպես հայտնում է Oddity Central-ը` այս քայլով բելգիական սրճարանն իր բողոքն է հայտնում ԱՄՆ նախագահ Դոնալդ Թրամփի և նրա արձակած հակասական հրամանների դեմ:

Սրճարանի սեփականատերերից մեկը հաստատել է, որ ամերիկյան արտադրության ոչ մի խմիչք չի մատուցվի իրենց մոտ, քանի դե Թրամփի վարած քաղաքականությունը չի փոխվել: Տվյալ որոշումը կայացվել է հաստատության բոլոր աշխատակիցների մասնակցությամբ ժողովի ժամանակ:

«Տնտեսական բոյկոտը, հավանաբար, միակ միջոցն է, որը Թրամփը կարող է հասկանալ», - նշել են որոշման հեղինակները: